काठमाडौंः पाकिस्तान विरुद्धको टेष्ट क्रिकेट सिरिजको दोस्रो म्याचको पहिलो इनिङ्समा अष्ट्रेलिया टिमका ओपनर डेभिड वार्नरले शानदार ब्याटिङ गरिरहेका छन् ।

२३ चौकाको मद्दतमा २६० बलमा दोहोरो शतक पूरा गरेका वार्नरले टेष्ट करियरकै उत्कृष्ट ब्याटिङ गरेका छन् । उनी यो समाचार तयार पार्दासम्म ३३ चौकाको मद्दतमा ३६३ बलमा २ सय ७४ रन बनाएर ब्याटिङ गरिरहेका छन् ।

टेष्ट क्रिकेटमा वार्नरको यो उच्च स्कोर हो । यसअघि टेष्टमा उनको उच्च स्कोर २५३ थियो । उत्कृष्ट ब्याटिङसँगै वार्नरले इतिहास रचेका छन् । उनी पिंक बलमा दोहोरो शतक बनाउने पहिलो अष्ट्रेलियाली क्रिकेटर बनेका छन् ।

वार्नरको शानदार ब्याटिसँगै सिरिजको दोस्रो खेलमा पनि अष्ट्रेलिया बलियो अवस्थामा छ ।

टस जितेर ब्याटिङ रोजेको घरेलु टिम अष्ट्रेलियाले यो समाचार तयार पार्दासम्म १ सय ११ ओभरमा २ विकेट गुमाएर ४ सय ९० रन बनाएको छ ।

पहिलो इनिङ्समा अष्ट्रेलियाका मार्नुस मार्नुस लेबासचेन्नी १६२ र ओपनर जो बर्न्स ४ रनमा आउट भएका छन् । दुवैलाई पाकिस्तानका शाहीन शाह अफ्रिदीले आउट गरेका हुन् ।

डेभिड वार्नर टेष्ट क्रिकेट