टी–२० सिरिजः न्यूजिल्याण्डद्वारा इंग्ल्याण्डलाई १७७ रनको लक्ष्य
काठमाडौंः टी–२० क्रिकेट सिरिजको दोस्रो खेलमा घरेलु टिम न्यूजिल्याण्डले इंग्ल्याण्डलाई १७७ रनको लक्ष्य दिएको छ ।
टस हारेर ब्याटिङको मौका पाएको न्यूजिल्याण्डले निर्धारित २० ओभरमा ८ विकेट गुमाएर १७६ रन बनायो ।
उसका लागि जिमी नीशमले विष्फोटक ब्याटिङ गरे । उनले ४ छक्का र २ चौकाको मद्दतमा २२ बलमा ४४ रन बनाए ।
यस्तै ओपनर मार्टिन गुप्टिलले ४१, कोलिन डीग्राण्डहोम, रस टेलरले २८–२८, टिम सेफर्टले १६ रनको योगदान दिए ।
बलिङमा इंग्ल्याण्डका क्रिस जोर्डनले ४ ओभरमा ३ विकेट लिएर २३ रन खर्चिए । यस्तै साम करनको नाममा २ विकेट रह्यो । आदिल रशिद, शाकिव मोहम्मूद र लुइस ग्रेगोरीले एक–एक विकेट लिए ।
पाँच खेलको सिरिजमा इंग्ल्याण्ड १–० ले अगाडि छ । सिरिजको पहिलो खेलमा न्यूजिल्याण्ड ७ विकेटले पराजित भएको थियो ।
