काठमाडौंः इंग्ल्याण्डको पुरानाे मेरिलेबोन क्रिकेट क्लब (एमसीसी) विरुद्ध प्रथम श्रेणीमा नेपालले टस जितेर बलिङ रोजेको छ ।

कीर्तिपुर स्थित टियू क्रिकेट मैदानमा आज बिहान नेपाली टोलीका कप्तान ज्ञानेन्द्र मल्लले टस जितेर पहिला बलिङ गर्ने रोजेका हुन् ।

स्कोरबोर्ड हेर्न यहाँ क्लिक गर्नुस् 

कप्तान मल्ल, सन्दीप लामिछानेलगायत ९ खेलाडीले प्रथम श्रेणीमा डेब्यू गर्दैछन् । ज्ञानेन्द्र मल्ल (कप्तान),राजु रिजाल, विनोद भण्डारी, ललित नारायण राजवंशी, आरिफ शेख, सन्दीप लामिछाने, दीपेन्द्र सिंह ऐरी, करण केसी, पवन सरार्फले डेब्यू गरेका हुन् । सोमपाल कामी र शरद भेषवकर प्लेइङ ११ मा रहेका छन् ।

जितेन्द्र मुखिया, रोहितकुमार पौडेल र सुशन भारी टोली बाहिर रहेका छन् । नेपालले सन् २००५ पछि पहिलो पटक प्रथम श्रेणी खेल्दैछ । 

नेपाल भर्सेस एमसीसी प्रथम श्रेणी