काठमाडौंः कीर्तिपुर स्थित टियू क्रिकेट मैदानमा आजदेखि सुरु भएको प्रथम श्रेणी क्रिकेटमा नेपालविरुद्ध मेरिलेबोन क्रिकेट क्लब (एमसीसी)ले उत्कृष्ट ब्याटिङ गरिरहेको छ ।

टस हारेर ब्याटिङको मौका पाएको एमसीसीले आठौं ओभरमा पहिलो विकेट गुमाए पनि त्यसपछि निकै सम्हालेर खेलिरहेको छ । र, उसले १०० रन पनि पूरा गरिसकेको छ ।

एमसीसीले आठौं ओभरमा विष्फोटक ब्याट्सम्यान बिली गोडलेमानलाई गुमाएको थियो । उनलाई सोमपाल कामीले आउट गरेका थिए । तर, यसपघि भने नेपाली बलरलाई विकेट लिन निकै गाह्रो भइरहेको छ । 

यो समाचार तयार पार्दा एमसीसीले ३२ ओभरमा १ विकेट गुमाएर १०६ रन बनाएको छ । अहिले क्रिजमा विल रोड्स (६१) र टम वेस्टली (२९) छन् । 

स्कोरबोर्ड हेर्न यहाँ क्लिक गर्नुस्

प्रथम श्रेणीको क्रिकेटमा नेपाली टिमका कप्तान ज्ञानेन्द्र मल्ल, सन्दीप लामिछानेलगायत ९ खेलाडीले प्रथम श्रेणीमा डेब्यू गरेका छन् । कप्तान मल्ल, राजु रिजाल, विनोद भण्डारी, ललित नारायण राजवंशी, आरिफ शेख, सन्दीप लामिछाने, दीपेन्द्र सिंह ऐरी, करण केसी, पवन सरार्फले डेब्यू गरेका हुन् । सोमपाल कामी र शरद भेषवकर प्लेइङ ११ मा रहेका छन् ।

जितेन्द्र मुखिया, रोहितकुमार पौडेल र सुशन भारी टोली बाहिर रहेका छन् । नेपालले सन् २००५ पछि पहिलो पटक प्रथम श्रेणी खेल्दैछ । (तस्बिरः बुटबलर) 

एमसीसी भर्सेस नेपाल प्रथम श्रेणी क्रिकेट स्कोरबोर्ड