अछामः जिल्लाको मेल्लेख गाँउपालिका–५ मा नेपाल कम्युनिष्ट पार्टी (नेकपा) का रमेश खड्का विजयी भएका छन्। उनी नेपाली कांग्रेसका वीरबहादुर बोहराभन्दा २१५ मत बढी ल्याई विजयी भएका हुन् । कुल खसेको १ हजार ३५७ मतमध्ये खड्काले ७७८ मत प्राप्त गरेका छन् । बोहराले ५६३ मत प्राप्त गरेका छन् ।

१६ मत बदर भएको मुख्य निर्वाचन अधिकृत नवीनकुमार जोशीले जानकारी दिए । नेकपा र कांग्रेसका कार्यकर्ताबीच शनिबार साँझ झडप समेत भएपछि राति अबेर मात्र मतगणना सुरु भएको थियो । झडपमा परेर नेकपाका गम्भीर साउँद घाइते भएका छन् । उनको बयाल्पाटा अस्पतालमा उपचार भइरहेको छ । कांग्रेसका डम्बर स्वारको टाउकोमा धारिलो हतियार प्रहार भएको छ । अवस्था सामान्य बनाउन प्रहरीले हवाई फायर गरेको थियो ।  

अछाम मेल्लेख गाँउपालिका रमेश खड्का