गुल्मीः जिल्लाको रुरु क्षेत्र गाउँपालिका–६ मा वडाअध्यक्ष पदका लागि सम्पन्न उपचुनावमा नेपाल कम्युनिष्ट पार्टी (नेकपा) का उमेद्वार विजयी भएका छन् । रुरु क्षेत्र गाउँपालिका–६ मा नेकपाका गिरीप्रसाद सिञ्जाली विजयी भएका हुन् । सिञ्जालीले नेपाली कांग्रेसका उम्मेदवार वेदप्रसाद दर्लामीलाई पराजित गरे ।

नेकपाको तर्फबाट विजयी बनेका उमेदवार सिञ्जालीले ८ सय २ मत प्राप्त गर्नु भएको थियो भने उनका प्रतिस्पर्धी नेपाली कांग्रेसका उमेदवार दर्लामीले ७ सय २७ मत प्राप्त गरेको जिल्ला निर्वाचन कार्यालय गुल्मीका अधिकृत राजेन्द्र पोखरेलले बताए । 

त्यस्तै, स्वतन्त्र उमेदवार मनबहादुर दर्लामीले १ मत प्राप्त गरे ।  कुल २ हजार ४८ मतदाता रहेको यो ठाउँमा शनिबार सम्पन्न उपचुनावमा १ हजार ५ सय ४४ मत खसेको  थियो । खसेको मत मध्ये १४ मत बदर भएको मुख्य निर्वाचन अधिकृतको कार्यालयले जनाएको छ । 

रुरु क्षेत्र गाउँपालिका ६ मा ०७४ को पालिका चुनावमा तत्कालीन नेकपा एमालेबाट निर्वाचित वडा अध्यक्ष पूर्णबहादुर रेगामीको निधन भएपछि उपचुनाव गरिएको हो । 

गुल्मी रुरु क्षेत्र गाउँपालिका गिरीप्रसाद सिञ्जाली