काठमाडौंः न्यूजिल्याण्ड विरुद्धको टेष्ट क्रिकेट सिरिजको दोस्रो खेलमा पहिलो इनिङ्समा इंग्ल्याण्ड टिमका कप्तान जो रुटले शतक बनाएका छन् । उनले १३ चौकाको मद्दतमा २ सय ५९ बलमा शतक बनाएका हुन् ।

तेस्रो दिनको खेलमा इंग्ल्याण्डले ९५ ओभर सकिँदा महत्वपूर्ण ५ विकेट गुमाएर २ सय ६५ रन बनाएको छ । उसका लागि यो अवस्थामा कप्तान रुट ११२ रनमा नटआउट छन् ।

इंग्ल्याण्डले यसअघि रोरी बर्न्सलाई १०१, जो डेन्ली, डोम सिब्लीलाई ४–४, बेन स्टोक्सलाई २६ र जाक क्रालीलाई १ रनमा गुमाइसकेको छ ।

बलिङमा न्यूजिल्याण्डका टिम साउथीले २, म्याट हेन्री र नील वाग्नरले एक–एक विकेट लिइसकेका छन् ।

पहिलो इनिङ्समा घरेलु टिम न्यूजिल्याण्डले १२९.१ ओभरमा सबै विकेट गुमाएर ३ सय ७५ रन बनायो ।

उसका लागि टम लाथमले १०५, डेरिल मिचेलले ७५, बिजे वाटलिङले ५५, रस टेलरले ५३, मिचेल सान्टनरले २३, टिम साउथीले १८, हेनरि निकोलशले १६ रन बनाए ।

बलिङमा इंग्ल्याण्डका स्टुअर्ट ब्राडले ४, क्रिस वोक्सले ३, साम करनले २ र जोफ्रा आर्चरले १ विकेट लिए । न्यूजिल्याण्ड २ खेलको सिरिजमा १–० ले अगाडि छ ।

इंग्ल्याण्ड भर्सेस न्यूजिल्याण्ड टेष्ट क्रिकेट सिरिज शतक