काठमाडौंः पोखरा प्रिमियर लिग (पीपीएल) को पहिलो खेल अन्तर्गत काठमाडौं गोल्डेन विरुद्धको खेलमा साविक विजेता पोखरा पल्टनले टस जितेर बलिङ रोजेको छ । पोखरामा शरद भेषवाकर र काठमाडौंको टिममा ज्ञानेन्द्र मल्ल कप्तान रहेका छन् ।

काठमाडौंको टिममा ज्ञानेन्द्र मल्ल (कप्तान), सुवास खकुरेल, सुबोध भाटी, अमृत भट्टराई, जयकिशन कोल्सावाल, बसन्त रेग्मी, अमित श्रेष्ठ, पृथु बाँसकोटा, सुशन भारी, पवन सरार्फ, गौरव तोमार, नन्ददन यादव लगायत खेलाडी छन् ।

यस्तै पोखराको टिममा शरद भेषवाकर (कप्तान), सरबजित लड्डा, बिनोद भण्डारी, मेहबुब आलम, कुसल भुर्तेल, रविन्द्रदर सिंह, कुसल मल्ल, इशान पाण्डे, रोहित पौडेल, ललितनारायाण राजवंशी, राशिद खान, आसिफ शेखलयागत क्रिकेटर छन् ।

पोखरा र काठमाडौंबीचको खेल पोखरास्थित पोखरा क्रिकेट रंगशालामा हुँदैछ । पहिलो खेलमा जित हात पार्दै दुवै टोली लिगमा सुखद सुरुवात गर्न चाहन्छन् ।

पहिलो संस्करणमा दुवै टोली आमने सामने भएका थिए । जसमा पोखराले काठमाडौँलाई ४ विकेटले पराजित गरेको थियो ।

पोखराका लागि भारतीय खेलाडी रभी इन्दर सिंह महत्वपूर्ण खेलाडी हुन् । सिंह गत संस्करणमा सर्वाधिक रन बनाउने खेलाडी हुन्। पोखराबाट खेलेका उनले ६ खेलमा २ सय ६० रन बनाएका थिए ।

यस्तै काठमाडौँका लागि गौरब तोमार महत्वपूर्ण रहेका छन् । तोमार गत संस्करणका सिंहपछिको सर्वाधिक रन बनाउने खेलाडी हुन् । लीग विजेताले २७ लाख पुरस्कार पाउँने छ भने उपविजेताले १० लाख पुरस्कार हात पार्ने छ । 

">

पोखरा प्रिमियर लिग पीपीएल शरद भेषवाकर ज्ञानेन्द्र मल्ल काठमाडौं गोल्डेनविरुद्ध पाेखरा