काठमाडौंः अष्ट्रेलिया विरुद्धको टेष्ट क्रिकेट सिरिजको दोस्रो खेलको पहिलो इनिङ्समा पाकिस्तानी टिमका बल यासिर शाहले शतक बनाएका छन् । उनले १२ चौकाको मद्दतमा १९२ बलमा शतक बनाएका हुन् । टेष्ट क्रिकेटमा उनको यो पहिलो शतक हो ।

यसअघि टेष्टमा उनको उच्च स्कोर ४२ थियो । निकै संकटमा रहेको पाकिस्तानको इनिङ्सलाई शाहले सम्हाल्ने प्रयास गरिरहेका छन् । यो समाचार तयार पार्दा पाकिस्तानले ८६ ओभरमा ८ विकेट गुमाएर २ सय ७० रन बनाएको छ ।

उसका लागि बाबर आजम ९७, शन मशूद १९, इफ्तिखर अहमद १० रन बनाएर आउट भइसकेका छन् । अन्य खेलाडीले भने दोहोरो अंकमा रन जोड्न सकेनन् । बलिङमा मिचेल स्टार्कले ६, प्याट कुमिन्सले २ र जोश हेजलवुडले एक–एक विकेट लिए । यसअघि पहिलो इनिङ्समा अष्ट्रेलियाले १२७ ओभरमा ३ विकेट गुमाएर ५८९ रन इनि¸ समाप्तीको घोषणा गर्यो ।

उसका लागि ओपनर डेविड वार्नरले नटआउट ३३५, मार्नुस लेबासचेन्नीले १६२, स्टिभ स्मिथले ३६, म्याथ्यू वेडले नटआउट ३८ रन बनाए । बलिङमा पाकिस्तानका शाहीन शाह अफ्रिदीले ३० ओभरमा ८८ रन दिएर ३ विकेट लिए । २ खेलको सिरिजमा घरेलु टिम अष्ट्रेलिया १–० ले अगाडि छ ।

टेष्ट क्रिकेट सिरिज यासिर शाह