पीपीएलः दीपेन्द्र ऐरीको टिमद्वारा विराटनगरलाई ११८ रनको लक्ष्य
काठमाडौंः पोखरा प्रिमियर लिग (पीपीएल) मा एक्स्पर्ट धनगढी ब्लुजले विराटनगर टाइटन्सलाई १ सय १८ रनको लक्ष्य दिएको छ । पोखरा रंगशालामा टस हारेर ब्याटिङको मौका पाएको धनगढीले निर्धारित २० ओभरमा ८ विकेट गुमाएर १ सय १७ रन बनायो ।
उसका लागि श्रीमंथा विजइरत्नेले २५, रोड्रिगो थोमसले १६, सौरभ खनालले १२, मञ्चित श्रेष्ठले ११, कमलसिंह ऐरीले अविजित २६ रन बनाए ।
अन्य खेलाडीले भने दोहोरो अंकमा समेत रन बनाउन सकेनन् । बलिङमा विराटनगरका साहब आलमले ३, नोमान खानले २, किशोर महतो, पुनित मेहरा र मोहम्मद जैद आलमले एक–एक विकेट लिए ।
विराटनगरमा प्रदीप ऐरीले र धनगढीमा सिनियर राष्ट्रिय टोलीका उपकप्तान दीपेन्द्र सिंह ऐरी कप्तान छन् । प्रदीपले फ्रेन्चाइज लिगमा पहिलो पटक कप्तानी गर्ने मौका पाएका हुन् । सन्दीप लामिछानेले नखेल्ने भएपछि प्रदीपले कप्तानको जिम्मेवारी पाएका हुन् ।
पीपीएल पोखरा प्रिमियर लिग धनगढी ब्लुजविरुद्ध विराटनगर टाइटन्स
