पीपीएलः दीपेन्द्रको शानदार बलिङ, विराटनगरमाथि धनगढीको रोमाञ्चक जित
काठमाडौंः पोखरा प्रिमियर लिग (पीपीएल) अन्तर्गत विराटनगर टाइटन्सविरुद्ध एक्स्पर्ट धनगढी ब्लुज ५ रनले विजयी भएको छ । धनगढीले दिएको १ सय १८ रनको लक्ष्य पछ्याएको विराटनगरले निर्धारित २० ओभरमा ८ विकेट गुमाएर १ सय १२ रन मात्र बनाउन सक्यो ।
उसका लागि राजु रिजालले सर्बाधिक २५, सुनील धमलाले १८, पुनित महेराले १५, नोमन खानले ११, प्रदीप ऐरीले १० रन बनाए । अन्य खेलाडीले भने दोहोरो अंकमा रन जोड्न सकेनन् । बलिङमा धनगढी ब्लुजका कप्तान दीपेन्द्रसिंह ऐरीले शानदार बलिङ गरे । उनले ४ ओभरमा मेडनसहित १९ रन खर्चिएर महत्वपूर्ण३ विकेट लिए ।
यस्तै सागर ढकालले २, कमलसिंह ऐरी, अमित यादव र अनिल खरेलले एक–एक विकेट हात पारे ।
यसअघि पोखरा रंगशालामा टस हारेर ब्याटिङको मौका पाएको धनगढीले निर्धारित २० ओभरमा ८ विकेट गुमाएर १ सय १७ रन बनायो ।
उसका लागि श्रीमंथा विजइरत्नेले २५, रोड्रिगो थोमसले १६, सौरभ खनालले १२, मञ्चित श्रेष्ठले ११, कमलसिंह ऐरीले अविजित २६ रन बनाए ।
अन्य खेलाडीले भने दोहोरो अंकमा समेत रन बनाउन सकेनन् । बलिङमा विराटनगरका साहब आलमले ३, नोमान खानले २, किशोर महतो, पुनित मेहरा र मोहम्मद जैद आलमले एक–एक विकेट लिए ।
पीपीएल पोखरा प्रिमियर लिग विराटनगर टाइटन्सविरुद्ध धनगढी
