काठमाडौंः पोखरा प्रिमियर लिग (पीपीएल) अन्तर्गत विराटनगर टाइटन्सविरुद्ध काठमाडौं गोल्डेन्स वारियर्सका ओपनर जयकिशन कोल्सावालाले शानदार अर्धशतक बनाएका छन् ।

उनले ३८ बलमा २ छक्का र ४ चौको प्रहार गर्दै अर्धशतक बनाएका हुन् ।  टस जितेर ब्याटिङ रोजेको काठमाडौंले यो समाचार तयार पार्दासम्म १५ ओभरमा ३ विकेट गुमाएर १ सय १४ रन बनाएको छ ।

यो अवस्थाका काठमाडौंका कप्तान ज्ञानेन्द्र मल्लले २६ बलमा २ छक्का र २ चौका हिर्काउँदै ३१ रन बनाएका छन् ।

जारी प्रतियोगितामा काठमाडौंले ३ म्याच खेल्दा एकमा जित र २ खेलमा पराजय बेहोरेको छ । काठमाडौंमा यो पटक पनि ज्ञानेन्द्र मल्ल कप्तान रहेका छन् ।

यता प्रदीप ऐरी नेतृत्वको विरानगरले २ म्याच खेल्दा एकमा हार र एक खेलमा जित हासिल गरेको छ ।

विराटनगर टाइटन्सविरुद्ध काठमाडौं गोल्डेन्स वारियर्स पोखरा प्रिमियर लिग पीपीएल