काठमाडौंः पोखरा प्रिमियर लिग (पीपीएल) अन्तर्गत विराटनगर टाइटन्सविरुद्ध काठमाडौं गोल्डेन्स वारियर्सले १ सय ६० रनको लक्ष्य दिएको छ । टस जितेर ब्याटिङ रोजेको काठमाडौंले निर्धारित २० ओभरमा ५ विकेट गुमाएर १ सय ५९ रन बनायो ।

उसका लागि लागि ओपनर जयकिशन कोल्सावालाले ४३ बलमा २ छक्का र ५ चौका प्रहार गर्दै ५५ रन बनाए । अघिल्लो खेलमा शतक बनाएका कप्तान ज्ञानेन्द्र मल्लले आज पनि उत्कृष्ट ब्याटिङ गरे । उनले ३३ बलमा २ छक्का र ३ चौकाको मद्दतमा ४५ रनको योगदान दिए ।

यस्तै अमित श्रेष्ठले १७, सुबोध भाटीले १४, पवन सराफले अविजित ५ र आदिल खानले नटआउट १३ रन बनाए । बलिङमा विराटनगरका पुनित मेहेराले २, जितेन्द्र मुखिया, किशोर महतो र नोमन खानले १–१ विकेट लिए ।

जारी प्रतियोगितामा काठमाडौंले ३ म्याच खेल्दा एकमा जित र २ खेलमा पराजय बेहोरेको छ । काठमाडौंमा यो पटक पनि ज्ञानेन्द्र मल्ल कप्तान रहेका छन् । यता प्रदीप ऐरी नेतृत्वको विरानगरले २ म्याच खेल्दा एकमा हार र एक खेलमा जित हासिल गरेको छ ।

पोखरा प्रिमियर लिग पीपीएल राटनगर टाइटन्सविरुद्ध काठमाडौं गोल्डेन्स वारियर्स