पीपीएलः लोकेशको विस्फोटक ब्याटिङका बाबुजत विराटनगर पराजित, पारसको टिमको लगातार चौथो जित
काठमाडौंः पोखरा प्रिमियर लिग (पीपीएल) अन्तर्गत विराटनगर टाइटन्सविरुद्ध चितवन राइनोज १८ रनले विजयी भएको छ । यो जितसँगै चितवन फाइनल नजिक पुगेको छ । पोखरा रंगशालामा चितवनले दिएको १ सय ४७ रनको विजयी लक्ष्य पछ्याएको विराटनगरले १९ औं ओभरमा सबै विकेट गुमाएर १ सय २८ रन मात्र बनाउन सक्यो ।
उसका लागि युवा ब्याट्सम्यान लोकेश बमले ३६ बलमा ५ चौका र ५ छक्का प्रहार गर्दै ६२ रन बनाए पनि टिमलाई जित दिलाउन सकेनन् । यस्तै पुनित मेहेराले २४, नोमन खानले १८ रन बनाउनु बाहेक अन्यले दोहोरो अंकमा रन जोड्न सेकनन् ।
बलिङमा चितवनका भुवन कार्की, करण केसीले ३–३, रोहन मुस्तफाले २ र सन्नी पटेलले एक विकेट लिए । यसअघि पोखरा रंशालामा टस हारेर ब्याटिङको मौका पाएको चितवन राइनोजले २० ओभरमा ४ विकेट गुमाउँदै १ सय ४६ रन बनायो । उसका लागि आज पनि आरिफ शेखले आक्रामक ब्याटिङ गरे । उनी २२ बलमा ३ चौका र ३ छक्कासहित ३९ रनमा अविजित रहे । सन्नी पटेल ८ बलमा १ चौका र ३ छक्कासहित २७ रनमा अविजित रहे ।
यस्तै कप्तान पारस खड्का ३५, बाबर हायातले २५, रोहन मुस्तफाले ७ र अनिलकुमार शाहले ३ रनको योगदान दिए । बलिङमा जितेन्द्र मुखिया, पुनित मेहरा, कमेहम्मद जैद आलम र किशोर महतोले एक–एक विकेट लिए ।
विराटनगर टाइटन्सविरुद्ध चितवन राइनोज पोखरा प्रिमियर लिग पीपीएल लोकेश बम
