पोखरा - दोस्रो संस्करणको पोखरा प्रिमियर लिग (पीपीएल) अन्तर्गत साविक विजेता पोखरा पल्टन प्रतियोगिताको लिग चरणबाटै बाहिरिएको छ ।

लिग अन्तर्गत अन्तिम खेलमा पोखरा धनगढीसँग ५ विकेटले पराजित भएको हो ।  पोखरा क्रिकेट मैदानमा टस जितेर पहिलो ब्याटिङ गरेको घरेलु टिमले १६ ओभर २ बलमा रनमा अलआउट भयो ।

सात रनमा पहिलो विकेट गुमाएको पोखराले २० रन बनाउँदा तीन विकेट खेर फालेको थियो ।उसका कुनैपनि खेलाडी विच दरीलो साझेदारी हुन सकेन । ५४ रनमा चार विकेट खेर फालेको पोखराले ७१ रन हुँदा ८ विकेट गुमायो । अन्ततः ७९ रनमा अलआउट भयो ।

उसका आसिफ शेखले सर्वा्धिक ३२ रन बनाए । कुशल भुर्तेल ६ रनमा आउट भए भने कप्तान शरद भेषवाकर चार तथा रविइन्दर सिंहले खाता खोल्न सकेनन् ।

यस्तै विनोद भण्डारी १२ रनमा आउट हुँदा कुशल मल्ल दुई, कृष्ण कार्की एक र रोहित पोडेलले खाता खोल्न सकेनन् ।पोखराको पारी ध्वस्त पार्ने क्रममा अनिल खरेलले तीन तथा सागर ढकाल र दिपक पुनीयाले दुई दुई विकेट लिए ।

जवाफमा धनगढीले ९ ओभर १ बलमा ५ विकेट गुमाउँदै पुरा ग¥यो ।  २७ रनमा पहिलो विकेट गुमाएको धनगढीले ४१ रनमा दोस्रो विकेट खेर फाल्यो ।उसका ओपन थोमस रोद्रिगो १५ रनमा आउट भए भने कप्तान दिपेन्द्र ऐरी १३ रनमा पेभेलियन फर्किए ।