काठमाडौंः पोखरा प्रिमियर लिग (पीपीएल) अन्तर्गत काठमाडौं गोल्डेन्स वारियर्सविरुद्ध चितवन राइनजोका बाबर हयातले शानदार अर्धशतक बनाएका छन् । उनले ४२ बलमा ४ छक्का र २ चौका प्रहार गर्दै अर्धशतक बनाएका हुन् ।

जारी लिगमा बाबरको यो दोस्रो अर्धशतक हो । बाबरले आज ४७ बलमा ६ छक्का र ३ चौकाको मद्दतमा ७० रन बनाए । 

टस हारेर ब्याटिङको मौका पाएको चितवनले यो समाचार तयार पार्दा १६ ओभरमा २ विकेट गुमाएर १ सय २४ रन बनाएको छ ।

चितवनमा पारस खड्का र काठमाडौंमा ज्ञानेन्द्र मल्ल कप्तान छन् । आजको खेल काठमाडौंका लागि निकै महत्वपूर्ण छ । प्रतियोगिताको ‘प्ले अफ’मा स्थान बनाउन काठमाडौंलाई जित्नै पर्ने दबाब रहेको छ ।

चार खेलमा ४ अंक जोडेको काठमाडौं तालिकाको तेस्रो स्थानमा छ । जितले काठमाडौं ‘प्ले अफ’मा पुग्ने छ । पराजित भए अन्य खेलको नतिजा कुर्नु पर्नेछ ।

चितवन भने प्ले अफ पुगिसकेको छ । तर, चितवन काठमाडौंलाई हराउँदै अपराजित रहेर फाइनल पुग्न चाहन्छ ।

चितवन चार खेलमा ८ अंक जोडेर शीर्ष स्थानमा रहेको छ । शीर्ष टोलीले सिधै फाइनल खेल्नेछ । दोस्रो र तेस्रो टिमले फाइनल प्रवेशको लागि इलिमिनेटर खेल्ने छ ।

पोखरा प्रिमियर लिग बाबर हयात काठमाडौं गोल्डेन्सविरुद्ध चितवन राइनजो