काठमाडौंः पोखरा प्रिमियर लिग (पीपीएल) अन्तर्गत फाइनल प्रवेशका लागि बुटवल ब्लास्टर्सविरुद्ध भइरहेको खेलमा विराटनगर टाइटन्सका ओपनर सुनिल धमलाले अर्धशतक पूरा गरेका छन् । उनले २ छक्का र ४ चौका प्रहार गर्दै ४८ बलमा अर्धशतक पूरा गरेका हुन् ।

जारी पीपीएल संस्करणमा धमालाको यो पहिलो अर्धशतक हो । विराटनगरले आज टस हारेर ब्याटिङ गरिरहेको छ । यो समाचार तयार पार्दासम्म विराटनगरले १६ ओभरमा २ विकेट गुमाएर १ सय २० रन बनाएको छ ।

आजको विजेता टिमले उपाधिका लागि शनिबार चितवन राईनोजसँग भिड्ने छ । लिग चरणको अन्तिम खेलमा बुटवललाई हराउँदै विराटनगर तेस्रो स्थानमा रहँदै ईलिमिनेटर राउण्डमा प्रवेश गरेको हो । बुटवल लिग चरणको एक खेल अगाडि नै दोस्रो स्थानमा रहँदै ईलिमिनेटर राउण्डमा छनोट भइसकेको थियो ।

तेस्रो स्थानमा रहँदै विराटनगर छनोट हुँदा नेट रनरेटका आधारमा काठमाडौं गोल्डेन प्रतियोगिताबाट बाहिरिन पुग्यो । लिग चरणमा प्रदीप ऐरी नेतृत्वको विराटनगरले पोखरा पल्टन र बुटवललाई पराजित गर्न सफल रह्यो ।

पीपीएल अर्धशतक पोखरा प्रिमियर लिग इलिमिनेटर खेल बुटवल ब्लास्टर्सविरुद्ध विराटनगर टाइटन्स सुनिल धमला