काठमाडौंः अष्ट्रेलियामा जारी बिग बास लिग (बीबीएल) अन्तर्गत आज नेपाली लेग स्पिनर सन्दीप लामिछानेआवद्ध मेलबर्न स्टार्सले आफ्नो तेस्रो म्याच खेल्दै छ । मेबलर्नले आफ्नो तेस्रो म्याचमा राशिद खान सम्मिलित एडिलेट स्टाइकर्सको सामना गर्न लागेको हो ।

मेलबर्न–एडिलेटबीचको खेल आज दिउँसो १ः५५ बजेदेखि सुरु हुँदैछ । मेलबर्नले यसअघि खेलका २ खेलमै जित हासिल गरेको छ । उसले पहिलो खेलमा ब्रिसबेन हिटलाई २२ रनले हराउँदै विजयी सुरुवात गरेको थियो । दोस्रो खेलमा मेलबर्नले होबार्ट हरिकेन्सलाई ५२ रनले पराजित गर्न सफल भयो ।

जारी सिजनमा सन्दीपले २ खेलमा २ विकेट लिएका छन् । पहिलो खेलमा उनले पूरा ४ ओभरमा ३८ रन दिएर १ विकेट लिएका थिए । दोस्रो खेलमा भने सन्दीपले ३ ओभर बलिङ गर्दा १८ रन दिएर महत्वपूर्ण १ विकेट लिए ।

सुरुवातका २ खेलमा प्लेइङ ११ मा मौका पाएका सन्दीपले आज पनि मौका पाउने सम्भावना बलियो छ ।मेलबर्नले सन्दीपलाई आजको खेलका लागि सार्वजनिक गरेको १३ सदस्यीय टिममा पनि समावेश गरेको छ ।

बिग बास लिग बीबीएल सन्दीप लामिछाने मेलबर्न स्टार्सविरुद्ध एडिलेट स्टाइकर्स