काठमाडौँ। नेपाल स्वास्थ्य अनुसन्धान परिषद्ले सार्वजनिक गरेको एक अध्ययन प्रतिवेदनअनुसार धूमपान तथा खैनी एवं गुट्खा सेवन गर्ने व्यक्तिले वार्षिक साढे १२ हजार खर्च गर्ने गरेका छन् । परिषद्का अध्यक्ष डा. अञ्जनीकुमार झाका अनुसार धूमपान गर्ने व्यक्तिले मासिक औसत एक हजार ५० रूपैयाँ चुरोटमा खर्च गर्ने गरेको छ ।

कसले कुन चुरोट सेवन गर्छ र दिनमा कति खिली खान्छ जस्ता प्रश्नका आधारमा सरदर मासिक एक हजार ५० रुपैयाँभन्दा बढी खर्च गर्ने देखिएको हो । यसैलाई आधार मान्दा औसतमा एक व्यक्तिले वार्षिक चुरोटमा १२ हजार ६ सय खर्च गर्ने गर्छ ।

अध्ययनअनुसार पहिलोपटक धूमपान गर्ने नेपालीको औसत उमेर १८ वर्ष छ  । परिषद्ले सर्वेक्षणका क्रममा सातवटै प्रदेशबाट पाँच हजार पाँच सय ९३ जनालाई सहभागी गराएको थियो । परिषद्को स्टेप्स सर्वे हरेक पाँच वर्षमा हुन्छ । यस्तै, प्रतिवेदन्अनुसार ७२.२ प्रतिशतले कहिल्यै मध्यपान नगरेको बताएका थिए ।

परिषद्ले १५ देखि ६९ वर्ष उमेर समूहका व्यक्तिलाई अध्ययनमा सहभागी गराएको थियो । परिषद्ले फेब्रुअरीदेखि मे ०१९ सम्म सर्वेक्षण गरेको थियो । परिषद्का अनुसन्धानकर्ता डा. मेघनाथ धिमालका अनुसार कुल जनसंख्यालाई अध्ययनको नतिजाले प्रतिनिधित्व गर्दैन । यो वयस्कमा आधारित अनुसन्धान हो । मद्यपान नगर्ने पुरुषको संख्या ५६ प्रतिशत छ भने महिलाको ८६ प्रतिशत छन् । नया पत्रिकिआ दैनिकमा खबर प्रकाशित छ। 

धुमपान तथा सुर्तीजन्य पदार्थ