कराँतेको टिम कातामा पनि नेपाललाई स्वर्ण
काठमाडौंः १३औं दक्षिण एसियाली खेलकुद प्रतियोगिता (साग) अन्तर्गत नेपाली कराँते सिनियर पुरुष टिम कातामा पनि नेपालले स्वर्ण जित्न सफल भएको छ । नेपाली टोलीका मन्डेकाजी श्रेष्ठ, महशुस तामाङ, प्रविन मानन्धरले स्वर्ण जितेका हुन् ।
यसअघि मन्डेकाजी श्रेष्ठले कराँतेको व्यक्तिगत काता विधामा स्वर्ण जित्दै नेपाललाई पहिलो स्वर्ण दिलाएका थिए ।
नेपाली टोलीले फाइनलमा २५.५४ अंक प्राप्त गर्यो । यस्तै श्रीलंकाले २५.२८ अंक पायो । त्यसअघि समूह चरणमा नेपाली टोलीले २५.१५ अंक ल्याउँदै फाइनल यात्रा तय गरेको थियो । अर्को समूहमा श्रीलंकाले २३.२२ अंक ल्याउँदै नेपालसँगको भेट पक्का गरेको थियो ।
यस्तै समूह चरणमा पाकिस्तानले २३.२ अंक र बंगलादेशले २४.८८ अंक ल्याएको थियो । योसँगै नेपालले ७ वटा स्वर्ण हात पारेको छ । सागका खेलहरु जारी छन्। खेल जनकपुर, पोखरा र काठमाडौंमा मंसिर २४ गतेसम्म चल्नेछ ।
नेपालले यसपटक ५० स्वर्ण जित्ने लक्ष्य बनाएको छ ।१२ औं सागमा नेपालले ३ स्वर्ण जित्न सफल भएको थियो ।
कराँते साग नेपाली कराँते सिनियर पुरुष टिम
