काठमाडौंःअष्ट्रेलियामा जारी बिग बास लिग (बीबीएल) अन्तर्गत राशिद खान सम्मिलित एडिलेट स्टाइकर्सविरुद्ध सन्दीप लामिछानेआवद्ध मेलबर्न स्टार्सले टस जितेर बलिङ रोजेको छ । एडिलेट–मेलबर्नबीचको खेल नेपाली समयअनुसार १ः५५ बजेदेखि सुरु हुँदैछ ।

आजको खेलमा पनि सन्दीपले प्लेइङ ११ मा मौका पाएका छन् । मेलबर्नले आज २ खेलाडी परिवर्तन गरेको छ । उसले नाथन कुल्टर–नाइल र डेल स्टेनलाई प्लेइङ ११ मा समावेश गरेको हो ।  मेलबर्नले यसअघि खेलका २ खेलमै जित हासिल गरेको छ ।

उसले पहिलो खेलमा ब्रिसबेन हिटलाई २२ रनले हराउँदै विजयी सुरुवात गरेको थियो । दोस्रो खेलमा मेलबर्नले होबार्ट हरिकेन्सलाई ५२ रनले पराजित गर्न सफल भयो ।

जारी सिजनमा सन्दीपले २ खेलमा २ विकेट लिएका छन् । पहिलो खेलमा उनले पूरा ४ ओभरमा ३८ रन दिएर १ विकेट लिएका थिए । दोस्रो खेलमा भने सन्दीपले ३ ओभर बलिङ गर्दा १८ रन दिएर महत्वपूर्ण १ विकेट लिए । 

बिग बास लिग बीबीएल मेलबर्न स्टार्स सन्दीप लामिछाने