क्रिकेटर हेटमायरले राखे विवाह प्रस्ताव, प्रेमिकाले दिइन् यस्तो जवाफ
काठमाडौंः वेस्ट इन्डिज क्रिकेट टिमका महत्वपूर्ण सदस्य शिमरोन हेटमायरका लागि २०१९ मा विशेष रह्यो । यो वर्ष क्रिकेटका लागि मात्र नभई हेटमायरको आफ्नो व्यक्तिगत जीवनका लागि पनि विशेष रहने भएको छ । यसको कारण हो उनले यो वर्षको अन्त्यमा नै विवाहका लागि आफ्नी प्रेमीकासँग प्रस्ताव राखेका छन् ।
विष्फोटक ब्याट्सम्यान हेटमायरले आफ्नी प्रेमीका उमराव निर्वानीसँग विवाहका लागि प्रस्ताव राखेका हुन् । उनले क्रिसमसका दिन औँठी दिएर प्रेमीकासँग त्यस्तो प्रस्ताव राखे । हेटमायरले दिएकाे औँठी लगाएकाे एक तस्बिर इन्स्टग्राममा सेयर गर्दै उनकी गलफ्रेण्डले लेखेकी छन्, ‘क्रिसमसका दिन मेरा प्यारा (हेटमायर) ले मसँग सोधे– तिमी मसँग विवाह गर्छौ? मैले जवाफ दिए– आइल लब यू बेबी ।’ हेटमायर र उमराव लामो समयदेखि ‘रिलेशन’ मा छन् ।
हेटमायरले हालै सकिएकाे भारत विरुद्धको टी–२० र एकदिवसीय सिरिजमा उत्कृष्ट ब्याटिङ गर्दै २०१९ को विदाई गरेका छन् ।
उनले भारत विरुद्धको तीन खेलको टी–२० सिरिजमा ५६, २३ र ४१ रन बनाए । वानडे सिरिजमा भने उनले शतकसमेत बनाए । हेटमायरले सिरिजको पहिलो खेलमा १ सय ३९ रन बनाउँदै टिमलाई जित दिलाए ।
दोस्रो खेलमा ४ रन बनाउँदा सिरिजको अन्तिम म्याचमा ३७ रनको योगदान दिए । उत्कृष्ट प्रदर्शनकै कारण हेटमायरलाई दिल्ली क्यासपटल्सले ७ करोड ७५ लाखमा टिममा अनुबन्ध गरेको छ । हालसम्म उनले वेस्ट इन्डिजका लागि १६ टेष्ट, ४३ वानडे र २० टी–२० म्याच खेलेका छन् ।
शिमरोन हेटमायर वेस्ट इन्डिज क्रिकेट टिम
