आँखामा औषधि कसरी राख्ने ?
आँखा हाम्रो शरीरको एक महत्वपुर्ण र संबेदनशील अंग हो । त्यसैले यसको हेरचाह पनि हामीले उचित किसिमले गर्नु पर्दछ । सानो गल्तिले पनि कुनै बेला दृष्टि गुमाउनुपर्ने जोखिम हुन्छ । आँखाको उपचार वा सुरक्षाका क्रममा विभिन्न औषधि वा ड्रप प्रयोग गरिन्छ । ती प्रयोग गर्दा निम्न कुरामा सचेत रहनुपर्छ ।
- साबुन पानीले राम्ररी हात धुने।
-औषधिको बट्टालाई फिँज नआउने गरि राम्रोसँग हल्लाउने
- टाउकोलाई पछाडि ढल्काउने अथवा पल्टीने।
-औषधि हाल्दा औषधिका टुप्पोले आँखाको वरीपरी वा अन्य ठाउँमा नछुने ।
- औलाले आँखाको तत्लो भागलाई हल्का तल तान्ने
-औषधिको बोतलबाट एक थोपा मात्र झर्ने गरि विस्तारै थिच्ने । आँखामा औषधि परेपछि तल्लो भागको परेला बिस्तारै बिचको चोरी औलाले दुई मिनेट सम्म थिचेर राख्ने।
- आँखा बाहिर परेको औषधिलाई सफा कपडाले पुछ्ने।
- एक भन्दा बढी औषधि आँखामा लगाउनु परेमा पहिलो औषधि प्रयोग गरेको ५ मिनेटपछि मात्र दोस्रो औषधि प्रयोग गर्ने।
- प्रयोग पछि बोतललाई राम्ररी बन्द गर्ने (बोतलको टुप्पोलाई धुने वा छुने गर्नु हुँदैन)।
-औषधि खोलेको एक महिनासम्म मात्र प्रयोग गर्ने
माथि उल्लिखित कुराहरुलाई ध्यान दिन सकेको खण्डमा आँखामा औषधि हाल्दा हुने जोखिमबाट बच्न सकिन्छ ।
आँखामा औषधि
