बिग बास लिगः होबार्टविरुद्ध सन्दीपआवद्ध मेलबर्नले टस जितेर बलिङ गर्दै
काठमाडौंः अष्ट्रेलियामा जारी बिग बास लिग (बीबीएल) अन्तर्ग होबार्ट हरिकेन्स विरुद्धको खेलमा नेपाली लेग स्पिनर सन्दीप लामिछानेआवद्ध मेलबर्न स्टार्सले टस जितेर बलिङ रोजेको छ । मेलबर्न–होबार्टबीचको खेल नेपाली समयअनुसार आज दिउँसो १ः५५ बजेदेखि सुरु हुँदैछ ।
अघिल्ला तीन खेलको प्लेइङ ११ मा मौका पाएका सन्दीप आज पनि दोहोरिएका छन् । उनले आफ्नो अन्तिम म्याच २७ डिसेम्बरमा एडिलेट स्टाइकर्सविरुद्ध खेलेका थिए । सो खेलमा उनले ३ ओभरमा १५ रन दिएर एक विकेट लिएका थिए ।
जारी बीबीएल सिजनमा सन्दीपले ३ म्याच खेल्दा ३ विकेट लिएका छन् । पहिलो खेलमा ४ ओभर बलिङ गर्न पाएका सन्दीपले दोस्रो र तेस्रो म्याचमा भने ३–३ ओभर मात्र बलिङको मौका पाए । यो सिजनमा पनि मेलबर्नको कप्तानी ग्लेन म्याक्सवेलले सम्हाली रहेका छन् ।
बिग बास लिग सन्दीप लामिछाने बीबीएल
