काठमाडौंः नेकपा स्थायी कमिटी सदस्य भीम रावलले स्थायी कमिटी बैठकमा कविता वाचन गरेको विषयमा प्रधानमन्त्री केपी शर्मा ओलीले प्रतिक्रिया दिए । केही दिनअघि नेकपा सम्बद्ध पत्रकारहरुलाई बालुवाटारमा बोलाएर शपथ खुवाउने बेलामा प्रधानमन्त्री ओलीले बालुवाटारबाट धुँवाको मुस्लो आएको भन्ने बारेमा जवाफ दिएका थिए । त्यस्तै सोही कविताका विषयमा सत्तारुढ दल भित्रै बहस चलिरहेकै छ । नेकपा सचिवालय बैठकले प्रदेश तीनको नाम र राजधानी तोक्नेबारे निर्देशन दिएपछि सो विरुद्ध भीम रावलले टिप्पणी गर्दै सहप्रवक्ताको टिप्पणी खै? भन्दै जवाफ मागेका थिए । प्रधानमन्त्री ओलीका प्रेस सल्लाहकार सूर्य थापाले सोही टिप्पणीको जवाफ फर्काएका छन्‌।  

यस्तो छ प्रेस सल्लाहकार थापाको जवाफ 
राष्ट्रवादको बहसमा बुझेर नै उत्रिनुभएको हो त? पार्टीले तपाईका कविताबमोजिम चलिदिनुपर्ने कि कसो हो? यी दुई कविताको पुरानो र नयाँ कवि तपाईं नै हो भन्ने विश्वास नलागेर नै सार्वजनिक खपतका लागि यहाँ दुबै कविता प्रस्तुतसम्म गरिएको जानकारी अनुरोध छ। म पुरानो लिम्पियाधुरा लेख्ने कविको हिमायती हुँ। तर स्थायी कमिटीमा सुनाएर सार्वजनिक गरिएको कविता भने तथ्यको भ्रष्टीकरण, भ्रमको पुलिन्दा र आत्मनिन्दा एवं भ्रत्सनाको मजाकपूर्ण दृष्टान्तबाहेक अरू केही होइन र हुन पनि सक्दैन। तपाईका यताका अन्तर्वार्ता, प्रस्तुति र यावत् पक्षले क्रमशः पापराजीको फन्दामा उहिले डायना परेजस्तो वा आज तपाई परिरहेको अनुभव भइरहेको छ।

यो नबुझेर वा नजानेर त पक्कै गर्नुभएको होइन होला? एक्लो बृहस्पति बन्न नखोज्नु नै हितकर हुन्छ होला!  तपाइको आजको बोली, धारणा र अभिव्यक्ति नेकपाको संस्थागत निर्णय, धारणा र निर्देशन कदापि होइन र मान्न सकिदैन। सकिदैन । कमसेकम आफूले टेकेको धर्ती र आफ्नो टाउकोले खामेको आकाश मात्रै थाम्न खोज्नु उचित होला कि! विषयको संवेदनशीलता र गंभीरता बिर्सेर फर्किने ठाउँ नै नराखी आफू अनुकूल अपव्याख्या गरेर बहकिनु उचित होइन। आगे कुण्ड कुण्ड पानी, मुण्ड मुण्ड बुद्दि। तपाईकै ‘सहप्रवक्ता’  

 

भीम रावल केपी शर्मा ओली सूर्य थापा