काठमाडौंः नेपालमा जारी १३औं दक्षिण एसियाली खेलकुद (साग) अन्तर्गत श्रीलंका–२३ विरुद्धको खेलमा नेपालले खराब सुरुवात गरेको छ ।

टस हारेर ब्याटिङको मौका पाएको नेपालले सस्तैमा पहिलो विकेट गुमाएको छ । नेपालले पहिलो विकेटका रुपमा १.२ ओभरमा ५ रनमा पारस खड्कालाई गुमाएकाे हाे । उनी ५ बलमा १ रन बनाएर ‘क्याच आउट’ हुन पुगे । पारसलाई कविष्का अन्जुलाले विकेटकीपरको हातबाट ‘क्याच आउट’ गराएका हुन् ।

टेष्ट राष्ट्र श्रीलंका र नेपाली बीचको खेल कीर्तिपुर स्थित टियू क्रिकेट मैदानमा हुँदैछ । जारी सागमा दुवै टिमको यो पहिलो खेल हो ।

सागमा नेपाल, श्रीलंकासहित बंगलादेश माल्दिभ्स र भुटान छन् । टी–२० शैलीमा हुने खेलमा राउन्डरोविनको आधारमा लिग सकिएपछि शीर्ष दुई टोली स्वर्ण पदकको लागि भिड्ने छन् ।

श्रीलंका भर्सेस नेपालः साग पारस खड्का