काठमाडौंः १३ औं दक्षिण एसियाली खेलकुद (साग) पुरुष टी–२० क्रिकेट अन्तर्गत भुटान विरुद्धको खेलमा नेपाली क्रिकेट टिमका पूर्वकप्तान पारस खड्काले शानदार अर्धशतक बनाएका छन् । उनले ९ चौका र १ छक्काको मद्दतमा २२ बलमा अर्धशतक बनाएका हुन् ।

टस होरर ब्याटिङको मौका पाएको नेपालले यो समाचार तयार पार्दासम्म ८ ओभरमा बिनाविकेट १ सय ६ रन बनाएको छ । नेपाल–भुटानबीचको खेल कीर्तिपुर स्थित टियू क्रिकेट मैदानमा भइरहेको छ ।

पहिलो खेलमा श्रीलंका–२३ सँग ६ विकेटले पराजित भएको नेपाल भुटनाविरुद्ध सहज जितको अपेक्षामा छ । भुटान पनि पहिलो खेलमा श्रीलंका–२३ सँग नै १ सय ७३ रनले पराजित भएको थियो ।

भुटानविरुद्ध नेपालले २ खेलाडी परिवर्तन गरेको छ । युवा तीब्र गतिका बलर राशिद खानले डेब्यू गर्ने मौका पाएका छन् । आजको खेलमा सोमपाल कामी र अभिनाश बोहरालाई विश्राम दिइएको छ । उनको स्थानमा रोहित कुमार पौडेल र राशिदलाई मौका दिइएको हो ।

नेपालको प्लेइङ ११ः

ज्ञानेन्द्र मल्ल (कप्तान), पारस खड्का, दीपेन्द्र सिंह ऐरी, विनोद भण्डारी (विकेटकीपर), करण केसी, आरिफ शेख, पवन सरार्फ, ललित नारायाण राजवंशी, सुसन भारी, रोहित कुमार पौडेल र राशिद खान ।

नेपाल भर्सेस भुटान पारस खड्का