१३ औँ सागको छैठौं दिन आज १९ खेलमा प्रतिष्पर्धा हुँदै
काठमाडौँ। १३औं दक्षिण एसियाली खेलकुद (साग) को छैटौं दिन आज शुक्रबार १९ खेलमा प्रतिस्पर्धा हुँदैछ ।
आज आर्चरी, एथलेटिक्स, बास्केटबल, ब्याडमिन्टन, क्रिकेट, गल्फ, ह्यान्डबल, कबड्डी, साइक्लिङ, पौडी, सुटिङ, टेबलटेनिस, टेनिस, बिचभलिबल, भारोत्तोलन, स्क्वास, कुस्ती, बक्सिङ र फेन्सीङ खेल हुदैछ।
ब्याडमिन्टन, महिला क्रिकेट, भारोत्तोलन, बिच भलिबल, आर्चरी र ह्यान्डबल भने पोखरामा हुँदैछ ।
कुस्ती जनकपुर र अन्य खेल काठमाडौंमा हुनेछ । नेपाल पदक तालिकामा दोस्रो स्थानमा छ ।
नेपालले बिहिबारसम्म ३६ स्वर्ण पदक जितेको छ भने भारत ६४ स्वर्णसहित शीर्ष स्थानमा छ ।
साग
