भुटानमाथि बंगलादेशको फराकिलो जित, सरकारको अर्धशतक
काठमाडौंः १३ औँ दक्षिण एसियाली खेलकुद (साग) को पुरुष क्रिकेट अन्तर्गत भुटान विरुद्धको खेलमा बंगलादेश यू–२३ टिम १० विकेटले विजयी भएको छ ।
भुटानले दिएको ७० रनको सामान्य लक्ष्य बंगलादेशले ६.५ ओभरमा बिनाविकेट पूरा गर्यो । उसका लागि सौम्य सरकारले ३ छक्का र ५ चौकाको मद्दतमा २८ बलमा नटआउट ५० रन बनाए ।
यस्तै मोहम्मद नइमले १ छक्काको सहयोगमा १३ बलमा नटआउट १६ रनको योगदान दिए ।
यसअघि टस जितेर ब्याटिङ रोजेको भुटानले निर्धारित २० ओभरमा ७ विकेट गुमाएर ६९ रन बनायो ।
उसका लागि तेन्जिन वाङचुक जेएनआरले १५, जिग्मे सिंग्येले १३, जिग्मे दोर्जीले १२, सोनम तोब्जीले नटआउट १० रन बनाए ।
बलिङमा बंगलादेशका मनिक खानले २, सौम्य सरकार, तनवीर इश्लाम, मिन्जउल अफ्रिदी र मेहदी हसनर रानाले एक–एक विकेट लिए । अंक तालिकामा बंगलादेश दोस्रो र भुटान पुछारमा छ ।
१३ औं साग बंगलादेश भर्सेस भुटान
