आमिर खानको नयाँ अवतार
एजेन्सी । टोपी, लामो दारी र कपाल, बलिउडका मिस्टर पर्फेक्सनिस्ट अमिर खान यतिबेला चर्चित छन् । सरदारको भेषमा उनी लाल सिंह चड्ढामा देखा पर्दैछन् । फिल्ममा उनी करिना कपुरसँग देखिनेछन् ।
लाल सिंह चड्ढा हलिउड फिल्म फरेस्ट गम्प नामक चलचित्रको आधिकारिक हिन्दी रिमेक हो । फिल्ममा जीवनमा सफलता पाउन दिमागी हालत ठिक हुनै पर्ने छैन् भन्ने देखाइएको छ । दिमागी हालत ठिक नभए पनि उनी एतिहासिक पुरुष बन्न सफल हुन्छन् ।
फरेस्ट गम्पले एक दर्जन ओस्कर नोमिनेसन पाउनुका साथै ओस्कर अवार्ड पनि जितेको थियो । फिल्मका प्रमुख पात्र टोम हैक्स लगातार दुई बेस्ट एक्टर र ओस्कर अवार्डबाट सम्मानित भएका थिए । हिन्दी रिमेकमा आमिर खान टोम हैंक्सको भूमिकामा देखापर्ने छन् ।
