बाँके । बाँकेको कोहलपुरमा ट्रकको ठक्करबाट स्कुल जाँदै गरेकी छात्रा गम्भीर घाइते बनाएपछि स्थानीय विरोधमा उत्रिएका छन । ट्रकले ठक्कर दिएपछि आक्रोशित स्थानीयले ट्रकमा आगो लगाएका छन् ।

स्कुल जाँदै गरेकी छात्रालाई ट्रकले ठक्कर दिएपछि स्थानीय प्रदर्शनमा उत्रिएका थिए । प्रहरी र स्थानीय विच अहिले पनि झडपको स्थिति छ । प्रदर्शनमा उत्रिएका स्थानीय र विद्यार्थीले ढुंगामुढा गरेपछि स्थिति नियन्त्रणमा लिन प्रहरीले केही राउण्ड हवाइ फायर समेत गरेको छ ।

प्रदर्शनपछि कोहलपुर नेपालगञ्ज सडकखण्ड अबरुद्ध भएको छ ।