कोहलपुर तनावग्रस्त : डिएसपीसहित ९ घाइते
बाँके । ट्रकको ठक्करबाट छात्रा घाइते भएपछि उत्पन्न तनावले बाँकेमा उग्र रुप लिएको छ । स्कुल जाँदै गरेकी छात्रा ठक्करबाट घाइते भएपछि प्रदर्शनकारीको ढुंगामुढा गरेका थिए । प्रदर्शनकारीको ढुंगामुढाबाट कोहलपुरका प्रहरी प्रमुख डीएसपी हेमराज शाहीसहित ९ जना घाइते भएका छन् ।
शाहीसहित घाइतेको कोहलपुर शिक्षण अस्पतालमा उपचार भइरहेको प्रहरीले जनाएको छ । आइतवार बिहान कोहलपुर–नेपालगञ्ज सडकखण्ड अन्तर्गत हाइस्कुल चोकमा ट्रकको ठक्करबाट त्रिभुवन उच्च माध्यामिक विद्यालयमा कक्षा ७ मा अध्ययनरत कोहलपुर–१० की प्रकृति चन्द गम्भीर घाइते भएकी थिइन् । उनकाे उपचार भैरहेकाे छ । यो पनि पढ्नुहोस :
