काठमाडौंः १३ औँ दक्षिण एसियाली केलकुद (साग) को पुरुष क्रिकेट अन्तर्गत कांस्य पदकका लागि माल्दिभ्ससँग भइरहेको खेलमा नेपालले टस जितेर बलिङ रोजेको छ । नेपाल र माल्दिभ्सबीचको खेलकीर्तिपुर स्थित टियू क्रिकेट मैदानमा भइरहेको छ । 

समूह चरणमा नेपालविरुद्ध माल्दिभ्स ८४ रनले पराजित भएको थियो । उक्त खेलमा नेपालले निर्धारित २० ओभरमा ७ विकेट गुमाएर १ सय ६३ रन बनाएको थियो ।

उक्त खेलमा नेपालका अलराउन्डर करन केसीले विस्फोटक ब्याटिङ गरेका थिए । उनले १६ बलमा ४ छक्का र २ चौकाको मद्दतमा १६ बलमा नटआउट ४० रन बनाएका थिए ।

१ सय ६४ रनको लक्ष्य पछ्याएको माल्दिभ्सले पूरा २० ओभर खेल्न सफल हुँदै ७९ रन बनाएको थियो । आजै दिउँसो १ बजे स्वर्ण पदकका लागि श्रीलंका र बंगलादेश खेल्दै छन् ।

नेपाल भर्सेस माल्दिभ्स कास्य पदक