काठमाडौंः १३ औँ दक्षिण एसियाली केलकुद (साग) को पुरुष क्रिकेट अन्तर्गत कांस्य पदकका लागि नेपालसँग खेलिरहेको माल्दिभ्सले महत्वपूर्ण २ विकेट गुमाएको छ । माल्दिभ्सले दोस्रो विकेटका रुपमा अहमद हसनलाई ६ रनमा गुमाएको छ । उनलाई ललितनारायण राजवंशीले क्लिन बोल्ड गरे ।

यसअघि माल्दिभ्सले पहिलो विकेटका रुपमा अर्का ओपनर मोहम्मद रिजवानलाई १७ रनमा गुमाउन पुग्यो । उनलाई सुशन भारीले क्लिन बोल्ड गर्न सफल भए । यो समाचार तयार पार्दासम्म माल्दिभ्सले ७ ओभरमा २ विकेट गुमाएर ३५ रन बनाएको छ ।

माल्दिभ्स विरुद्धको खेलमा नेपालले आज टस जितेर बलिङ गरिरहेको हो । नेपाल र माल्दिभ्सबीचको खेलकीर्तिपुर स्थित टियू क्रिकेट मैदानमा भइरहेको छ । 

समूह चरणमा नेपालविरुद्ध माल्दिभ्स ८४ रनले पराजित भएको थियो । उक्त खेलमा नेपालले निर्धारित २० ओभरमा ७ विकेट गुमाएर १ सय ६३ रन बनाएको थियो ।

उक्त खेलमा नेपालका अलराउन्डर करन केसीले विस्फोटक ब्याटिङ गरेका थिए । उनले १६ बलमा ४ छक्का र २ चौकाको मद्दतमा १६ बलमा नटआउट ४० रन बनाएका थिए ।

१ सय ६४ रनको लक्ष्य पछ्याएको माल्दिभ्सले पूरा २० ओभर खेल्न सफल हुँदै ७९ रन बनाएको थियो । आजै दिउँसो १ बजे स्वर्ण पदकका लागि श्रीलंका र बंगलादेश खेल्दै छन् ।

१३ औं साग नेपाल भर्सेस माल्दिभ्स पुरुष क्रिकेट