कपिलवस्तुः पूर्व–पश्चिम राजमार्गको वोर्डगाउँ नजिक कार दुर्घटना हुँदा ग्लोबल आईएमई बैंक बनगाई शाखाका प्रबन्धकको ज्यान गएको छ ।

बा. ६ च ६३९० नम्बरको कार सोमबार बिहान करिब ८ बजेतिर दुर्घटना हुँदा कपिलवस्तु नगरपालिका–९ हरनामपुरनिवासी २९ वर्षीय सुरज पाण्डेको ज्यान गएको हो ।

तीव्र गतिमा रहेका कारण कार दुर्घटना भएको हुनसक्ने प्रहरीको प्रारम्भिक अनुसन्धानले देखाएको छ । कार अनियन्त्रित भइ सडक किनारको बिजुलीको पोलमा ठोक्‍किएको थियो ।

कारमा सवार अन्य ५ जना घाइते छन् । घाइतेमध्ये २ जनालाई उपचारका लागि बुटवल लगिएको छ भने अन्य ३ जनाको वाणगंगास्थित सामुदायिक अस्पतालमा उपचार भइरहेको छ । 

कपिलवस्तु ग्लोबल आईएमई बैंक पूर्व–पश्चिम राजमार्ग कार दुर्घटना