काठमाडौँ । १३ औं सागको महिला फुटबल फाइनलमा नेपाल भारतसँग पराजित भएको छ । पोखरा रंगशालामा आज भएको खेलमा नेपालको महिला टोली दुई शुन्य गोल अन्तरले पराजित भएको हो ।

भारतको जितमा दुवै गोल बाला देवीले गरिन् । पराजयसँगै साग महिला फुटवलमा स्वर्ण जित्ने नेपालको प्रयास सफल हुन सकेन । नेपाली टोली अन्तर्राष्ट्रिय प्रतियोगिताको फाइनलमा पुगेर पराजित भएको यो तेस्रो पटक हो ।

यसअघि नेपाली टोली विराटनगरमा भएको साफ च्याम्पियनसिपमा भारतसँग र भुवनेश्वरमा भएको हिरो गोल्डकपमा म्यानमारसँग फाइनलमा पराजित भएको थियो ।