काठमाडौं । कैलालीको धनगढी स्थित फाफ्ला क्रिकेट मैदानमा जारी धनगढी प्रिमियर लिग (डीपीएल) को दोस्रो दिनको पहिलो खेलमा सिवाइसी अत्तरियाले घरेलु टाेली धनगढीस्टार्सलाई ९६ रनको सामान्य लक्ष्य प्रस्तुत गरेको छ ।

 

टस जितेर पहिला ब्याटिङ गरेको अत्तरियाले निर्धारित २० ओभरमा ५ विकेट गुमाउँदै ९५ रन मात्र बनाउन सक्यो उसका लागि सन्नी पटेलले सर्बाधिक (नट आउट) ३५ रन प्रहार गरे । बलिङमा धनगढीका रोहन मुस्तफाले २, विपीन क्षेत्री, सोमपाल कामी र हामीर हायातले एक-एक विकेट लिए । 
 
अत्तरियामाः दिपेन्द्र सिंह ऐरी (कप्तान), शनि पटेल, आदिल खान, कमलसिंह ऐरी, रामनरेश गिरी, सन्दीप जोरा, भुव कार्की, जयनकिशन कोल्सावाला, प्रेम तामाङ, सुवेन्दु पाण्डेलयागत छन् । 

धनगढीमाः सोमपाल कामी (कप्तान), रोहन मुस्तफा, अमित श्रेष्ठ, सुनिल धमाला, शौरभ खनाल, राजु रिजाल, आमिर हायात, पवन श्राफ, हरि चौहान, विपिन खत्रीलगायत खेलाडी छन् । 

धनगढी प्रिमियर लिग