काठमाडौं । कैलालीको फाफ्ला क्रिकेट मैदानमा जारी धनगढी प्रिमियर लिग (डीपीएल) अन्तर्गत आजको पहिलो खेलमा रुपन्देही च्यालेन्र्सविरुद्ध सीवाइसी अत्तरियाले १२२ रनको लक्ष्य प्रस्तुत गरेको छ । टस जितेर पहिला ब्याटिङ गरेको अत्तरियाले निर्धारित २० ओभरमा ९ विकेट गुमाउँदै १२१ रन बनायो ।

 

उसका लागि कप्तान दिपेन्द्रसिंह ऐरीले अर्धशकिय पारीमा ५० बलमा ६७ रन प्रहार गरे । यस्तै, सुवेन्दु पाण्डे, रीत गौतम र सनी पटेलले १२–१२ रन प्रहार गरे । बलिङमा रुपन्देहीका ललितसिंह भण्डारीले ३, बिक्रम सोवले बसन्त रेग्मी र पुनित मेहराले एकएक विकेट लिए । 
  
 

अंक तालिकामा अत्तरिया तेस्रो र रुपन्देही लगातार दुई जीत निकाल्दै पहिलो स्थानमा छ । सीवाइसीको नेतृत्व दिपेन्द्रसिंह ऐरीले गरिरहेका छन् । यस्तै, रुपन्देहीका बसन्त रेग्मी कप्तान छन् । आज सीवाइसी दोस्रो जीतको खोजीमा र रुपन्देही लगातार तेस्रो जीत निकाल्दै अंक तालिकाको शीर्ष स्थानमा रहन चाहन्छ ।

धनगढी प्रिमियर लिग अत्तरिया भर्सेस रुपन्देही