काठमाडौं । यूएईमा भइरहेको पाकिस्तान सुपर लिग (पीएसएल) क्रिकेट प्रतियोगितामा आज नेपाली लेग स्पिनर सन्दीप लामिछाने आवद्ध लाहोर कलन्दर्सले चौथो खेल खेल्दैछ । खेल नेपाली समयअनुसार अपरान्ह सवा ५ बजे शुरु हुनेछ । आज सन्दीपको टोलीले मुल्तान सुल्तानसँग प्रतिस्पर्धा गर्न लागेको हो ।

 

गएको वर्ष आईपीएलमा डेब्यू गरेयता विश्वका हरेकजसो फ्रेन्चाइज लिगमा धुम मच्चाएका सन्दीप आजको खेलमा टिममा पर्ने सम्भावना धेरै छ । लाहोरले अहिलेसम्म तीन खेल खेलेकोमा २ खेलमा पराजित तथा एक खेलमा मात्रै जित हात पारेको छ ।

 

सन्दीप नेपालले यूएईविरुद्धको सिरिज जितेपछि उतैबाट अस्ट्रेलिया गएका थिए । अस्ट्रेलियाको बिग ब्यास लिग (बीबीएल) मा उनको टिम उप(विजेता भएको थियो । उनी अष्ट्रेलियाबाट पीएसएल लिग खेल्न यूएई गएका हुन् । पीएसएलपछि उनी आईपीएलका लागि भारत आउने छन् ।

पाकिस्तान सुपर लिग सन्दीप लामिछाने क्रिकेट प्रतियोगिता