जनकपुर । धनुषाको मिथिला नगरपालिकाको ढल्केवरमा बस र ट्रक एक आपसमा ठोक्किँदा २ जनाको ज्यान गएको छ । यस्तै, दुर्घटनामा  ९ जना घाइते भएका छन् । पूर्वबाट पश्चिमतर्फ जाँदै गरेको ना ५ ख ४९६ नम्बरको मकालु बस र विपरिततर्फबाट आएका ना ६ ख ९४९६ नम्बरको ट्रक ढल्केवरको ट्राफिक प्रहरी कार्यालय अगाडि एक आपसमा राति २ बजे ठोक्किदा दुईजनाको ज्यान गएको हो । 
 

दुर्घटनामा परेर बसमा सवार भारतको मोतिहारी जिल्लाका २५ वर्षीय उदेश ठाकुर र धनुषाको क्षिरेश्वरनाथ नगरपालिका-५ बस्ने अन्दाजी ४५ वर्षीया शिवकला देवी मण्डलको मृत्यु भएको इलाका प्रहरी कार्यालय ढल्केवरले जनाएको छ । उपचारको लागि बाहिर लैजाँदै गर्दा लाहनमा मृत्यु भएकाले मृतखरुको शव लाहन अस्पतालमा राखिएको प्रहरीले जनाएको छ । दुर्घटनामा परि ९ जना घाइते भएको छ । घाइतेहरुको धरान र विराटनगर पठाइएको छ ।

जनकपुर धनुषा