काठमाडौं : युएईमा सम्पन्न टी-२० सिरिजको अन्तिम खेलमा युएईलाई हराउँदै ऐतिहासिक जित हासिल गरेको नेपाली क्रिकेट टोलीलाई नेपाल कम्यनिस्ट पार्टीका अध्यक्ष पुष्पकमल दाहाले बधाई दिन दिएका छन्। सामाजिक सञ्चाल फेसबुकमा नेपाली क्रिकेट टोलीको फोटोसहित स्ट्याटस पोस्ट गर्दै अध्यक्ष प्रचण्डले नेपाली टोलीलाई बधाइ दिएका हुन्।

 

'विश्वस्तरीय प्रतिष्पर्धाहरूमा नेपाली खेलाडीहरूको एकपछि अर्को जितले सम्पूर्ण नेपालीहरूमा उत्साह र उमंग छाएको छ। आगामी दिनमा पनि अझै राम्रो प्रस्तुतिको अपेक्षासहित नेपाली क्रिकेट खेलाडीहरुको उत्तरोत्तर प्रगतिको शुभकामना पनि व्यक्त गर्दछु' उनले सामाजिक सञ्जालमा लेखेका छन्।

 

आइतबार भएको खेलमा नेपालले युएईविरुद्ध १४ रनको जित हात पार्दै सिरिज कब्जा गरेको हो। वर्षाका कारण १० ओभरमा छोटिएको खेलमा नेपालले युएइलाई १०५ रनको चुनौती दिएको थियो। नेपालले दिएको लक्ष्य पछ्याउने क्रममा युएइ निर्धारित १० ओभरमा ९० रनमात्रै बनाउन सक्यो। यसअघि नेपालले तीन खेलको एक दिवसी सिरिस २-१ले कब्जा गरेको थियो।

क्रिकेट नेपाल भर्सेज युएइ