काठमाडौं । नेपाली क्रिकेटका महत्वपूर्ण सदस्य सन्दीप लामिछानेले अष्ट्रेलियामा जारी बिग ब्यास लिग (बीबीएल) का बाँकी खेल खेल्ने भएका छन् । नेपाललाई यूएईविरुद्ध पहिलो एकदिवसीय र टी-२० सिरिज जिताउन अहम् भूमिका निर्वाह खेलेका लामिछाने आज यूएईबाट अष्ट्रेलिया जाने भएका हुन् ।

 

सन्दीपले मेलबर्न स्टार्सबाट लिगका सुरुवाती चार खेल खेलेका थिए । उनले ८ विकेट लिँदै आफ्नो प्रभाव छाडेका थिए । त्यसपछि पूर्व सम्झौता अनुसार बंगलादेश प्रिमियर लिग (बीपीएल) खेल्न गए । बंगलादेशबाट उनी राष्ट्रिय टिममा आए ।

 

उनको क्लब मेलबर्न स्टार्स १२ खेलबाट १२ अंकसहित लिगको चौथो स्थानमा छ । सन्दीपको टोलीको शुक्रबार ब्रिसबेन हार्टविरुद्ध खेल छ भने फेब्रअरी १० मा सिड्नी सिक्सर्सविरुद्ध छ । शीर्ष चारमा अटाउन सके उनको टिम सेमिफाइनलमा पुग्नेछ ।

बिग ब्यास लिग सन्दीप लामिछाने