काठमाडौं। दक्षिण अफ्रिका भ्रमणमा रहेको श्रीलङ्काले श्रृङ्खलाको पाँचौ तथा अन्तिम एकदिवसीय क्रिकेटमा टस जितेर पहिला ब्याटिङ रोजेको छ ।

क्याप टाउनमा लशिथ मलिङगाको कप्तानीमा रहेको श्रीलङ्का फाफ डु फ्लेसिसको टोलीविरुद्ध मैदानमा उत्रिदा सान्त्वना जीतको खोजीमा हुनेछ भने दक्षिण अफ्रिका क्लीनस्वीप गर्ने रणनीतिका साथ मैदान उत्रिनेछ ।

दक्षिण अफ्रिकाका अनुभवी अलराउण्डर जेपी डुमिनिले भने आज घरेलु मैदानमा अन्तिम एकदिवसीय क्रिकेट खेल्दैछन् । दुइ महिनापछि इङ्ल्याण्डमा हुन लागेको एकदिवसीय क्रिकेट विश्वकपपछी सन्यास लिने घोषणा डुमिनिले यसअघि नै गरिसकेका छन् ।