आफ्नै टिभी च्यानल लंच गर्दै सलमान, द कपिल शर्मा शो सिफ्ट हुने
एजेन्सी । भारतीय चलचित्र क्षेत्रका सुपरस्टार सलमान खान पछिल्लो समय टिभी शोहरूमा सक्रिय छन्। सलमानले रोमान्स, एक्सन तथा कमेडी जनाराका भूमिका निभाएका छन्।
फ्यानले उनको अभिनयलाई खुबै मनपराउँछन्। उनले टेलिभिजन च्यानलमा बिग बोस जस्तो पपुलर शोको होस्ट गरिरहेका छन्। जसले उनको चर्चालाई चुलिमा पुर्याएको छ। अब उनले आफ्नै टेलिभिजन सुरु गर्ने तयारी गरिरहेको भारतीय सञ्चार माध्यमले जनाएका छन्।
योजनाअनुसार आफ्नो कम्पनी एसकेटिभीमार्फत शोहरूको निर्माण गर्दै आएका छन्। भारतका चर्चित कमेडिन कपिल शर्माले होस्ट गरेको द कपिल शर्मा शो पनि उनकै कम्पनीले निर्माण गर्दै आएको छ। उनको कम्पनीको नाम हो सलमान खान फिल्म्स।
भारतीय सञ्चार माध्यमले स्रोतलाई उद्धृत् गर्दै बताएअनुसार सलमानअहिले टिलिभिजन सञ्चालनका लागि अनुमति पत्रको प्रतीक्षामा छन्। अनुमति पत्र आएसँगै उनले आफ्नो छुट्टै टेलिभिजन सञ्चालन गर्ने बताइएको छ। उनले सञ्चालन गर्ने टेलिभिजनमा द कपिल शर्मा शो शिफ्ट हुनेछ।
यो वर्ष कोरियन चलचित्र ओड टु माइ फादरको रिमेक भारत चलचित्र लिएर आउँदै छन्। उक्त चलचित्रमा उनको विपरीत रोलमा कट्रिना क्याफ देखिने छिन्। फिल्म मुस्लिमहरूको महान चाड इदको समयमा रिलिज हुनेछ।
सलमान खान कपिल शर्मा ‘द कपिल शर्मा शो’
