सरकारले नयाँ सडक सुरक्षा बनाउदै
ललितपुर। सरकारले नयाँ सडक सुरक्षा योजना बनाउन लागेको भौतिक पूर्वाधार तथा यातायातमन्त्री रघुवीर महासेठले बताएका छन् ।
मंगलबार ललितपुरमा आयोजित सडक सुरक्षासम्बन्धी एक कार्यक्रमका अतिथि मन्त्री महासेठले उक्त जानकारी दिएका हुन् । अधिकांश दुर्घटना खराब सडकका कारण हुने गरेको भन्दै मन्त्री महासेठले ट्राफिक व्यवस्थापनलाई वैज्ञानिकीकरण गर्ने तथा बढ्दो सवारी दुर्घटनालाई मध्यनजर गर्दै विशेष योजना बनाएर अगाडि बढ्न लागिएको बताए ।
साझा प्रयासबाट मात्र सडक दुर्घटना न्यूनीकरण गर्न सक्ने जीकिर गर्दै मन्त्री महासेठले सरकार सबैसँग हातेमालो गरेर अगाडि बढ्न चाहेको धारणा राखे ।
