विराटनगर। आयोजक नेपाल साफ महिला च्याम्पियनसिपको फाइनलमा प्रवेश गरेको छ ।

 

विराटनगरमा आज भएको पहिलो सेमिफाइनलमा श्रीलंकालाई ४–० ले पराजित गर्दै नेपालले फाइनलमा स्थान पक्का गरेको छ । प्रतियोगिताको पाँचौँ संस्करण जारी रहँदा नेपालले चौथो पटक फाइनलमा पुगेको हो । नेपालको खेलभरी नै आक्रमक भएपनि श्रीलंकाको डिफेन्स नेपाललाई केही हदसम्म रोक्न सफल भएपनि खेल भने गुमाउन पुग्यो ।

 

नेपालका लागि ४२औं मिनेटमा पुनम जर्घा मगर, ७३औं मिनेटमा अनिता बस्नेत, ८२औं मिनेटमा सावित्रा भण्डारी तथा ८५औं मिनेटमा रेखा पौडेलले गोल गरिन् । भारत र बंगलादेशबीच आजै हुने अर्को सेमिफाइनलको विजेतासँग उपाधिका लागि नेपालले प्रतिस्पर्धा गर्नेछ ।