एएफसी अन्डर ट्वेन्टी थ्री च्याम्पियनसिप छनोटको दोस्रो खेलमा नेपालले आज आयोजक कतारसँग प्रतिस्पर्धा गर्दैछ ।

स्पोर्ट्स सिटी सेन्टर दोहाको मैदानमा नेपाली समय अनुसार राति पौने १० बजे खेल शुरु हुनेछ । शुक्रबार भएको पहिलो खेलमा ओमानसँग १-० गोल अन्तरले पराजित नेपालले एसिया कप विजेता कतारको सामना गर्न लागेको हो । कतारलाई हराउन सके नेपालको दोस्रो चरणमा पुग्ने सम्भावना कायमै रहन्छ ।

 

अन्तिम खेल नेपालले मंगलबार अफगानिस्तानसँग खेल्नेछ । छनोटको शीर्ष टोलीले थाइल्याण्डमा हुने एएफसी अन्डर ट्वेन्टी थ्री च्याम्पियनसिप खेल्नेछ । यस्तै, दोस्रो टोलीमध्ये उत्कृष्ट पाँच टोलीले पनि च्याम्पियनसिप खेल्ने मौका पाउनेछन् ।

नेपाली फुटबल टोली