काठमाडौं। यसअघि नै प्रतियोगिताबाट बाहिरी सकेको नेपालले एएफसी यू–२३ च्याम्पियनसिप छनोटमा समूहको अन्तिम खेलमा आज अफगानिस्तानसँग भिड्दैछ ।

 

नेपाल मात्र नभई अफ्गानिस्ता पनि अर्को चरणमा नजाने निश्चित भइसकेको छ । दुई टोलीको लागि आझको खेल प्रतिष्ठाको लडाई मात्र हुनेछ । कतारको दोहास्थित एस्पायर एकेडेमीको मैदानमा नेपाली समयअनुसार राति पौने १० बजेदेखि खेल सुरु हुनेछ ।

 

आफ्ना दुवै खेलमा नेपाल तथा अफ्गानिस्तान पराजित रहेको थियो भने अन्तिम खेलमा दुवै टोली पहिलो जीतका लागि मैदानमा उत्रिनेछ । समूह ए मा रहेको नेलाले पहिलो खेलमा ओमानसँग १–० र दोस्रो खेलमा कतारबिरुद्ध ५–० को फराकिलो अन्तरले हार बेहोरेको थियो । पहिलो खेलमा कतारसँग २–० र दोस्रो खेल ओमानसँग २–१ ले अफ्गानिस्तानले खेल गुमाएको थियो ।