चुनावको मुखमा बलिउड कलाकारलाई राजनीतिक दल प्रवेश गराउने प्रतिस्पर्धा मात्र चलिरहेको छैन, नेताहरूको जीवनीमा आधारित सिनेमा बनाउने क्रम पनि त्यतिकै बाक्लिएको छ।

 

यसै क्रममा प्रधानमन्त्री नरेन्द्र मोदीको जीवनीमा आधारित ‘पीएम नरेन्द्र मोदी’ नामको सिनेमा सुटिङको अन्तिम चरणमा छ। फिल्ममा बलिउड नायक विवेक ओवरायले नरेन्द्र मोदीको भूमिका निर्वाह गर्ने छन्। सिनेमाको पोस्टर र ट्रेलर पनि सार्वजनिक भइसकेको छ।

 

विवेकलाई मोदी लुक्समा देखाउन मेकअप आर्टिस्टका लागि चुनौतीपूर्ण बनेको थियो। एकदिनको पूरै प्रयासपछि विवेक मोदीको रूपमा देखिन सफल भए। चुनावको मुखमा मोदीलाई हिरो बनाएर सिनेमा बनाइनुलाई भोटको राजनीतिका रूपमा धेरैले अथ्र्याएका छन्।

विपक्षी दलहरूले जनमत प्रभावित पार्न भारतीय जनता पार्टीले यस्तो कडी अपनाएको आरोप लगाएका छन्। पीएम मोदी सिनेमाको निर्देशन ओमंग कुमारले गरेका छन् भने निर्माताको भूमिकामा सन्दीप सिंह छन्।

 

लोकसभा चुनावकै माहोलमा मायावती र दिवंगत नेतृ जयललिताको जीवनीमा सिनेमा बनाइँदै गरेको समाचार सार्वजनिक भएको छ। महात्मा गान्धी, नेहरु, इन्दिरा गान्धी, राजीव गान्धीका नाममा यसअघि नै सिनेमा बनिसकेका छन्। 

नरेन्द्र मोदी पिएम नरेन्द्र मोदी विवेक ओवराय