काठमाडौं। नेपालको क्रिकेट इतिहासमा पहिलो पटक आयोजना हुन लागेको महिला फेन्चाइज क्रिकेटका लागि खेलाडीहरुको अनुबन्धन भएको छ ।

टी–२० महिला क्रिकेट लिगका लागि आज भएको खेलाडी अक्सनमा राष्ट्रियस्तरका तथा चर्चित खेलाडी नै अग्रपङ्कतिमा रहे । जम्मा ८० खेलाडी सम्मिलित अक्सनमा १० जना खेलाडी अधिकतम रकम अर्थात ७५ हजार रकममा अनुबन्धित भए ।

 

अक्सनमा ए श्रेणीमा २१ जना, बी श्रेणीमा २५ जना र सी श्रेणीमा ३५ जना खेलाडी रहेका थिए भने एक टिमले कुल ६ लाख ५० हजार रुपैयाँ अक्सनमा खर्च गर्न पाउने नियम थियो ।